Michael C 首度推出廣東歌〈雙重標準〉

推出過〈愚公〉、〈對頻之間〉及〈黑犬默語〉後，Michael C首次推出廣東歌〈雙重標準〉，代一眾愛侶吐苦水，並以貼地的口語歌詞，唱出另一半一時一樣，令人難以捉摸的心態。

Michael C說了好幾個一般男生會遇上女生雙重標準的遭遇，他說：「你唔可以有女性朋友，但唔代表佢唔可以有男性朋友；佢鍾意食嘅嘢你要陪佢食，你想食嘅嘢佢可以唔食。」很有共鳴嗎？是大家常遇到的煩惱嗎？不過Michael C笑言，大家都有同樣的經歷，證明這就是人生！他說：「情侶之間就係需要磨合同遷就，但即使大家都唔妥協，唔代表咁就要分手，因為兩個人之間仍然存在愛！就算對方擁有雙重標準，但你都依然愛對方，所以〈雙重標準〉呢首歌，係一首帶點苦嘅甜蜜情歌。」Michael C更說，生活中很多事情都會遇上雙重標準的時候，我們未必可以瀟灑地改變一切，但〈雙重標準〉的誕生，就是希望代大家吐吐苦水，希望大家可以從中找到共鳴。

首度灌錄廣東歌，Michael C這次也用上全新班底，由李一丁監製、Billy Choi填詞，再加上三人一同譜寫旋律，即創作出跟過往截然不同的曲風。Michael C說：「我哋好一拍即合，3個人用咗一日嘅時間就寫起首歌，可能因為我哋創作嘅方式好唔同，走埋一齊即刻擦出好多火花。」Michael C向來擅長結他，但今次的編曲卻較著重氛圍與態度，他所勾出的Guitar Riff在全曲中變成有穿針引線的作用，但同時亦彷如一個訊號般，引領大家聽他唱出這些苦水， 最後再為歌曲作結。