全新派台作品

〈甩身〉 (feat. CotaBoii) **aka Taco

初戀總是Bittersweet，在初嚐甜蜜溫馨過後，情侶間難以磨合的大小事情就慢慢浮現，這時候，要妥協還是瀟灑出走？Paula區子琳新歌〈甩身〉，就用自己的初戀經歷，與《全民造星5》的Taco，一同唱出男女對待愛情的態度。

Paula曾有這樣的經歷：面對初戀男友，未懂包容，也未懂甚麼是愛與被愛，相處久了，發現很多事情未夠成熟去處理，結果與另一半經常有拗撬。以為忍耐就OK，但心裡感到唔舒服，嘗試改善卻未有改善，所以最終選擇分開。她將這樣的經歷告知了填詞人王樂儀，請對方為自己與Key Ng合寫的旋律上寫詞。王樂儀交出了歌詞，並寫下註腳：「有時我們為愛卑躬屈膝，才發現那從來不是愛。因為愛人，我們會讓愛的人看到最自由的自己，甩開困身的所有。」

Paula看到歌詞啞口無言，她沒想到樂儀可以完全道出自己當時的想法，更道：「『甩身』呢個用字，好講到我想甩走呢個男朋友嘅想法！亦講出甩咗之後搵一個新嘅自己，有Reborn嘅感覺！唱完好爽！」

今次Paula找來Taco Featuring，是因為她看過對方在《造星》的演出，覺得對方的演出與能量都好Eye Catching，所以邀請對方合作，而合作過後Paula興奮道：「記得第一次去佢Studio，佢已經俾份Rap詞我，嗰個版本同Final Version都有九成相近，而且帶咗首歌去另一個層次，好正！因為Rap部份好似同女方有對立面，但同樣地作為初戀男友角色，都一樣覺得分開咗真係好，雙方都有更加大嘅自由同快樂。」首次與Hip Hop圈子以外的人合作，Taco 今次以自己的Rapper身分”CotaBoii”參與製作〈甩身〉，也感到新鮮又順利，他道：「同Paula性格上都幾夾，做歌都幾順利同舒服，大概都Get到佢首歌想講乜，清楚角度，貼近去寫，用咗2-3日就寫好，寫自己嘢反而冇咁快。」

演唱方面，大家要留意Paula演繹Bridge的部份，因為她按照身兼監製的Key Ng的要求而作出新挑戰！Paula說：「佢要我唱呢段嘅時候 把聲要帶少少媚態，要好似你已經大個咗，有苦味嘅感覺，唔再係細路女喇！第一次試呢種唱法，結果大家都收貨，係一次好唔錯嘅新嘗試！」