首唱未曝光新歌 PER SE大騷流利日文

巡演尾站 Cath 感觸落淚 笑稱「花粉症」發作

陳柏宇攜愛囡Audrey支持 Michael C 任暖場嘉賓

（2025年11月19日）PER SE 聯同 Cath 黃妍上週於日本東京「青山月見ル君想フ」，分別舉行《briefly in…TOKYO : PER SE live》及《CATH AWAY 到處一遊音樂會》。一連兩日演出吸引了各地的樂迷支持，現場座無虛席，三人更展示苦練日文的成果，同門師兄陳柏宇更攜同囡囡 Audrey 到場，場面溫馨。

PER SE 苦練日文 首唱未曝光新歌

PER SE 一向熱愛日本文化，閒時有追看動漫，今次首度在東京演出，二人即場展示苦練成果，全場以日語介紹歌曲並分享感受。他們更演唱了收錄於黑膠中的日文版〈在生〉——〈終焉の愛〉，Sandy笑說：「平時唱呢首歌都會見到大家嘅口形跟住唱，但今日冇晒，得返自己有啲孤獨。」

除了彈奏久未演唱的舊作品及新歌〈未存在的我們〉、〈差一點你就是永遠〉，他們更首次曝光新歌的 Demo〈METEOR〉，Stephen 感謝大家：「無論係日本住嘅朋友，定其他地方飛嚟，都多謝大家見證我哋 PER SE 嘅第一次海外專場，希望下年返香港搞騷都可以見到你哋。」

Cath 感觸落淚 笑稱「花粉症」發作

《CATH AWAY 到處一遊音樂會》以 Live House 巡演形式到訪過台北、倫敦、荷蘭等地方，來到日本最終站，Cath 也特別感觸，當唱到〈心的全部〉時不禁感觸落淚，更笑說來到日本有花粉症所以忍不住決堤。「我以前唔識喊㗎，但每次唱到呢首歌都感受到你哋嘅力量。見到你哋長途跋涉支持我，知道有啲 fans 搭十八個鐘頭飛機真係好感動，我冇諗過呢個 Tour 可以聚集咁多唔同地方嘅人，有大家嘅愛我先可以走落去！」Cath 一邊拭淚一邊感謝在場的的粉絲、兼任暖場嘉賓及結他手的 Michael C，陪伴她走過很多場「CATH AWAY」，畫面既感動又溫馨。

同樣喜歡熱愛日本音樂的 Cath 亦揀選了 Aimyon愛繆的〈On Your Marks〉及 Vaundy的 〈そんなbitterな話〉作 Cover，Cath 更在 Encore 時間唱了自己創作的日文歌：「我好想學日文，但發現自己記憶力好差，所以就寫咗呢首〈果物の歌〉去記數字同水果名。」演出完結時更預告將會於明年返回香港開騷，大家要密切期待 Cath 為大家準備的音樂旅程了。