Skip to content
Latest News
年度音樂企畫《The Odyssey of Freya》結合遊戲世界 
07/22/2022
<strong>年度音樂企畫《</strong><strong>The Odyssey of Freya</strong><strong>》結合遊戲世界</strong> 

葉巧琳新歌〈人間英靈〉MV中化身戰鬥格女神 

武打場面玩火劍親身上陣 型爆至上 

熱愛打機,特別是角色扮演遊戲(RPG)的葉巧琳(Mischa),最近展開了為期一年、結合遊戲世界的音樂企畫《The Odyssey of Freya》,Mischa化身成為虛擬人物Freya,在遊戲世界中打大佬!新歌〈人間英靈〉的MV中她更親身上陣飾演Freya一角,當中打鬥連場,更棄用替身! 

Mischa新作〈人間英靈〉,是音樂企畫《The Odyssey of Freya》的序曲,林寶所譜寫的歌詞,談及人類面對困境的打不死精神。Mischa解說道:「我哋人生有好多難關要過,每個人都有自己嘅故事、難關,但都要爭取自己相信嘅嘢,去成為人生裡面嘅勇士,〈人間英靈〉就係要去歌頌呢班人、呢件事。」 

為了呈現歌曲中那份打不死的精神,〈人間英靈〉MV以真人實景打造RPG遊戲世界,Mischa搖身一變成為了Freya,與一班隊友傾盡全力打大佬,而最後當然是得勝啦! 

Mischa說:「我一直好想創造一個虛擬角色嘅故事,最初好簡單有個虛構嘅人,就諗咗Freya做起點,然後因為自己好鍾意打機,所以就同同事開會,創造咗一個命名為Chaos嘅遊戲世界,然後透過呢個音樂企畫,去講一個關於救贖嘅故事。」 在MV中,Freya以一頭紅色長髮,再配以戰士Look示人,感覺猶如Cosplay一樣,Mischa也笑言即使現在不是萬聖節也可以做到Cosplay,十分好玩。 

不過更好玩的是今次MV特別以真實打鬥場面營造打機的畫面,所以Mischa在事前都要認真上堂,學習使用武士刀,Mischa興奮道:「我自己練劍都練咗好多日,有武術指導教我用日本劍,好好玩!其實當初導演Kenji問我,如果要我打得唔得,我話好喎!我自己都想試下,結果就走咗去學劍同打筋斗、吊威吔。好記得自己第一次吊威吔時已做到後空翻,覺得自己好叻,可以去武打方面鑽研一下。」而在拍攝MV現場,Mischa全程親身上陣拍攝每一個鏡頭,也從未想過要用替身,她笑言:「我諗住親身經歷呢啲嘢,為我將來鋪路,可能有日可以做武打巨星呢!搵我!咩都肯試㗎!」不過因為配合劇情與剪接,有關吊威吔的場口最終都未有用上,Mischa也坦言有點可惜呢! 

打機場口,當然少不了使用大絕打大佬,今次〈人間英靈〉MV中也有這一幕,而製作團隊特別請來日本火藝師宮窪研(Kiwamu Miyakubo )設計效果及動作給Mischa,Mischa也沒想過打機畫面可以於真實世界出現,並說:「我係第一個人用呢把火劍,實在太型。其實起初都有少少擔心我揮劍時會驚,不過幕後人員做足安全措施,喺我雙手噴晒水,等我喺非常安全情況下耍劍,所以大家要留意最核爆型嘅揮劍一刻。」 

有型的場口還不只揮火劍,其實整個〈人間英靈〉MV都在雨景中拍攝,Mischa與幾位武打演員由頭到腳淋水十幾個小時,Mischa笑言:「感覺似浸浴、洗澡、cleansing,非常凍,大家都好凍、濕住,但都係一個新體驗。」 

不講不知,其實在〈人間英靈〉MV拍攝前夕,陳柏宇(Jason)已從工作人員口中得知Mischa為了這個MV付出了不少,為了給對方打氣,於拍攝當日Jason偷偷前來探班,為Mischa帶來驚喜。Mischa說:「陳生探班非常驚訝!點知原來佢係打完波跟住過嚟,佢話還返個人情俾我,咁叫還人情?佢做過啲咩?手信都冇帶嚟。不過OK,露個面,但我覺得佢仍然爭我嘅債係未還晒。」話雖如此,Mischa還是感激Jason的窩心舉動,為她在艱辛的拍攝過程中注入能量。 

en_USEnglish