1 Take錄音體驗名額秒殺 歌手們玩上癮
黃妍再入錄音室錄唱〈天光前〉緊張依然
Artisans Never Stop 音樂派對 台上台下樂在其中
林奕匡結他自彈自唱〈高山低谷〉翻新歌曲現匠人精神
Sony Music 向來推崇高質素音樂娛樂，旗下歌手及創作單位，從不間斷追求音樂上的極致演繹，尋求聲音上的完美界限，專注、努力製作好音樂，在自己的音樂路上不斷尋求突破，超越過去的自己，猶如匠人一樣，每分每秒都在力求進步，期望有朝一日能獲得大眾肯定。日前Sony Music將歌手們這種不斷求進的匠人精神，帶到同樣致力支持本地音樂文化的K11 Art Mall，舉辦《Artisans Never Stop by Sony Music》，為樂迷帶來極致音樂互動體驗，除了舉辦1 Take錄音體驗外，更於昨晚起一連三日舉行Artisans Never Stop 音樂派對，前來參與其中的樂迷玩得開心，有份演出的歌手單位亦樂在其中。
1 Take錄音體驗活動讓喜愛唱歌的樂迷，親身體驗專業歌手錄製歌曲的過程，Studio錄音師更協助大家即場一Take試錄歌曲，感受One Take體驗！活動一推出以後，即掀起搶錄熱潮，大會三度推出名額均被秒殺，反應熱烈！不少歌手如林奕匡Phil、黃妍Cath、小塵埃、區子琳Paula，甚至是早前訪港的英國唱作歌手Henry Moodie等，都有到場親身試玩。Phil特別試錄自己的作品〈難得一遇〉，他試玩後分享感受道：「今次1 Take可以有好多歌揀唱，我揀咗自己嘅〈難得一遇〉，感覺似返去Studio重錄隻歌，諗返起當日要錄好多轉，但我今次1 Take過，都好過之前，雖然好似讚咗自己進步咗，但其實更重要係回憶返當日嘅片段，同埋唔係個個都可以有錄音室錄音，但喺今次活動可以有咁多人參與係好正嘅一回事。」Cath亦有1 Take錄製自己的〈天光前〉，她唱完笑言：「喺錄音室錄音真緊張，因為平時監製隔住玻璃，但今次直接坐喺隔離，係緊張，同埋覺得好犀利，因為都知會喺活動現場搭一個細細嘅Studio，但冇諗過個Studio係專業到咁樣，係神奇同埋好好玩。」
除了1 Take錄音體驗外，一連三日的Artisans Never Stop 音樂派對亦於昨晚開鑼，在阿左@Beanies為派對暖場後，率先登場的布志綸Alan便以節奏澎湃的〈第一億次細胞分裂〉為現場樂迷現身，接著唱出〈如果我們的語言是威士忌〉時與Michael C.的一段Guitar Jamming，兩人的高超結他技術都看得令人嘆為觀止。接著Michael C.與Paula將兩人各自的單曲〈雙重標準〉及〈抹去重來〉重新編製來一回二重唱，給人耳目一新的感覺。Paula還與小塵埃合唱了經典金曲Minnie Riperton〈Lovin’ You〉，編曲加入了City Pop元素，再加上Paula的海豚音，結果換來了全場熱烈掌聲，而小塵埃之後亦特別獻唱了今年推出的兩首新歌〈bye-bye〉及〈拼命優雅〉，以展示他們在音樂上的多變。接棒現身的Cath，唱出多首在《4891》專輯中的作品，如：〈世界以痛吻我而我歌唱〉、〈哀傷的作者〉等等外，她亦唱出由她主唱的電影《白日之下》主題曲〈日光漂白〉，而鮮有唱情歌的Cath，亦與師兄Phil合唱了〈別為我好（我未夠好版）〉，唱罷Cath表示自己苦練很久，Phil也指自己很少聽Cath唱這類型的歌曲，這時Cath即道：「但你成日都寫呢類型嘅歌。」估不到Phil這時竟問Cath：「咁你又唔問我要一隻？」Cath隨即打蛇隨棍上邀歌，問Phil：「你係咪真係寫一隻俾我？」Phil亦爽快回答：「OK!」現場樂迷聽到也紛紛歡呼，熱切期待二人在音樂上的創作交流。
在最後壓軸登場的Phil，與Cath合唱過後，他亦唱出自己的作品〈台前幕後〉、〈有淚多好〉、〈高山低谷〉及〈有人共鳴〉，他另外亦唱出寫給魏浚笙的〈第一個迷〉，而唱出〈高山低谷〉時，他亦罕有地拿起結他自彈自唱，跟過去彈鋼琴演出這歌有著截然不同的味道。
昨晚的Artisans Never Stop 音樂派對場面熱鬧，樂迷有機會一口氣欣賞到多個音樂單位演出，之後更爭相與歌手們合照，自然滿載而歸，但有份參與在其中的歌手亦同樣開心、興奮。Cath道：「喺K11 Art Mall可以同其他Artist一齊唱歌，真係好開心，好似開Party，我哋好耐冇試過，咁樣一個Show全部一齊唱，中間又有啲Crossover，所以係似開Party，同埋喺Weekend搞，可以同觀眾一齊玩，俾大家一個好好嘅節目。」小塵埃亦道：「嚟到K11 Art Mall演出有一種熟悉感，因為以前商場初初開嘅時候，我哋都有嚟演出過，同埋見到好多觀眾，唔趕住食飯都嚟聽我哋唱歌，所以係好開心，而同Paula唱〈Lovin’ You〉係一件好好玩嘅事，同埋好佩服Paula嘅勇氣去施展佢嘅獅吼功，但唱得好好啊！」至於Phil亦表示：「好玩！咁多兄弟姐妹去做一個Show，有好多Crossover，大家一齊練好多歌，又重新編曲度好多和音，咁多觀眾聽足成晚，但感覺亦似將歌曲重新編製俾自己去玩，自己Enjoy之餘，又有咁多觀眾喺度，實在玩得好開心。」至於自彈自唱高山低谷，Phil則說：「我哋今次活動主題係Artisans Never Stop，都想俾另一面大家睇，同埋都想不斷追求進步，去學更多嘢，然後俾更多唔同嘅面向俾大家睇，彈琴唱〈高山低谷〉都唱過無數次，今次就彈少少結他，俾大家新鮮感。」
Artisans Never Stop音樂派對 Rundown
阿左@Beanies
1. 食鹽之道
2. 鋼琴後的塵
3. 12變（原唱：Beanies）
Bo Zhilun
4. 第一億次細胞分裂
5. 如果我們的語言是威士忌（feat. Michael C. Guitar Solo）
6. 光之道（feat. Michael C.）
7. 想再和你看煙花（Last Christmas Version）
區子琳x Michael C.
8. 上載中（區子琳）
9. 抹去重來 x 雙重標準（區子琳x Michael C.）
10. 甩身（區子琳）
11. 我愛你（區子琳x Michael C.）（原唱：盧廣仲）
12. 怕甚麼（區子琳）
13. 瘟疫在愛蔓延時
little dust
14. 我愛京達卡
15. Finish It Don’t Quit
16. Lovin’ You（feat. 區子琳）（原唱：Minnie Riperton）
17. Bye-bye
18. 拼命優雅
Huang Yan
19. 世界以痛吻我而我歌唱
20. 日光漂白
21. 哀傷的作者
22. 7月24日大道
23. 心的全部
24. 別為我好（我未夠好版）（林奕匡 x 黃妍）
Lam Yik Kuang
25. 台前幕後
26. 第一個迷（原唱：魏浚笙）
27. 有淚多好
28. 高山低谷
29. 有人共鳴
English 
Chinese