布志綸拍〈霍金預言書〉MV舔器官　

比喻人類被科技蠶食

近期全球熱話，必數OpenAI的新技術Sora，可以將文字轉化成長達60秒的高質量影片，幾可亂真！正當不少人在讚嘆AI技術的超凡進化，布志綸在新歌〈霍金預言書〉中卻高呼I’m Not OK!! 他更在MV中更誇張演繹一場舔器官的戲份，諷刺人類漸被科技蠶食。

Alan向來骨子裡就是Rock底、有態度，有想法就會表達，今次他就夥拍Don Cruz創作了今次〈霍金預言書〉的旋律，訴說自己的不滿，但當時仍未想到要寫AI這個主題，及後二人用了大半年時間，編製到歌曲成形，Alan便邀請曾為他創作〈飛鳥俠〉的梁栢堅，告訴他想寫一個關於諷刺AI的歌詞，Alan道：「霍金曾經預言AI會毁滅人類，叮囑人類要提防，我都覺得呢個係不久將來會發生嘅事情。如果大家只為AI鼓掌，或者一直只以期待嘅心態去面對，其實都係自己呃自己。」

而在MV的故事，就表達了人類與AI之間的矛盾，強化了Alan對於AI，對於霍金預言的看法：Alan飾演的人類與AI捉棋，但AI不斷學習人類的思維模式， Alan也漸漸贏不到對方。Alan很希望追回貼近AI的Level，不惜改變自己，甚至奉獻自己的器官給AI，喪失了靈魂。

負責構思MV概念的創作人Kiko解釋道：「人類貪方便，用電話時都很樂意Share自己嘅Data，呢啲Big Data，令電腦慢慢學習人類嘅行為，捉摸人類嘅思想，繼而進化成近年出現嘅智能AI。」Alan亦補充道：「同Kiko度嘅時候，係想以黑暗手法呈現歌曲嘅主題，所以MV裡面有一幕係我喺度舔啲器官，係想以器官代表我哋嘅私隱，表達我哋如何出賣自己，令AI不斷蠶食我哋思想、行為，人類不斷無底線的奉獻，令AI進化得更圓滿、完善。」

MV看似十分誇張，但Alan表示這個世界已經出現了！他道：「過去都有好多有關AI嘅電影，好似《未來戰士》系列、《A.I.人工智能》等等，都講到AI可以模仿人類情感，甚至係有感情，呢樣真係會有機會發生！好似而家AI已經代替人類創作Artwork，有啲公司亦有啲工種以AI取代，變相Cut人，我哋慢慢係會被AI控制，呢個課題係值得大家去思考。」