黃妍夥盧鎮業變身村上春樹筆下主角 

高溫穿冬裝　忘我遊走隧道 

向來熱愛閱讀的黃妍，於今日推出新歌〈7月24日大道〉，歌名取材至日本作家吉田修一的同名著作，小說中的主人翁常處於混沌狀態，要靠自己的力量走出屬於自己的道路，黃妍的〈7月24日大道〉，將赤裸的靈魂注入歌曲，希望大家能從中得到穿越混沌的力量。MV方面，〈7月24日大道〉則大玩文學 x 文學 x 音樂的創作實驗，導演Pazu特別以村上春樹《1Q84》的故事主角：青豆與天吾來講述從混沌到尋回自己的故事，並由Cath與盧鎮業（小野）分別飾演青豆與天吾，實行將《1Q84》與〈7月24日大道〉之間一脈相通的孤獨感接通。 

Cath特別解釋了今次〈7月24日大道〉以文學作主導的創作概念，她說：「兩本小說嘅都有一啲共通點，而最重要嘅一點係兩者帶出嚟嘅孤獨感，所以我哋透過〈7月24日大道〉去表達嗰份混沌同孤獨感，而MV就以《1Q84》作背景，透過影像帶出呢份感覺。導演Pazu係村上迷，所以當佢知道我哋嘅概念之後就極度興奮！更以佢嘅獨有角度，製作咗咁靚嘅MV，當中更有《1Q84》嘅主角青豆與天吾嘅出現。」 

在MV中小野扮演天吾，Cath覺得對方是不二之選，她說：「小野有天吾嘅氣質，真係喺日本漫畫走出嚟嘅男孩子一樣，所以我哋搵咗佢嚟演出，估唔到喺埋位之前，佢都係睇緊《1Q84》，好感動！好似成個團隊都好into《1Q84》件事裡面。」 

《1Q84》的故事背景在日本發生，所以製作團隊亦特別將〈7月24日大道〉MV的整個氛圍塑造成日本的時空一樣，就連Cath身處其中都覺得好夢幻，她說：「我哋借咗一架好似日本的士嘅車嚟拍攝，另外有個場景，喺亞視廠景望出去會望到幾個煙囱，嗰個環境好唔似喺香港，好似喺日本。」不過最教Cath興奮的，要數在龍山隧道拍攝的場口，Cath回憶道：「我哋包咗條隧道，喺裡面來回遊走拍攝，嗰陣其實已經係凌晨3、4點，又著住啲好厚嘅冷衫，再加件褸，熱到想死。雖然熱到癲咗，但已經豁咗出去，同埋未試過喺隧道拍嘢，好好玩，成個人反而好精神！而且出嚟效果好靚，大家都為個成果而好開心呢！」 

黃妍〈7月24日大道〉MV現已於Cath Wong黃妍 YouTube Channel推出：