Skip to content
最新資訊
首度推出廣東歌代愛侶吐苦水 
10/05/2022
<strong>首度推出廣東歌代愛侶吐苦水</strong> 

Michael C拍〈雙重標準〉MV 錯亂中展現乖仔個性  

推出過〈愚公〉、〈對頻之間〉及〈黑犬默語〉後,Michael C.首次推出廣東歌〈雙重標準〉,代一眾愛侶吐苦水,並以貼地的口語歌詞,唱出另一半一時一樣,令人難以捉摸的心態。MV中,Michael C與女主角交纏甜蜜與疏離之間,卻沒想到這些畫面卻讓Michael C露了底,乖仔一面在拍攝現場表露無遺。 

Michael C介紹歌曲道:「〈雙重標準〉呢首歌就係講緊人與人之間嘅磨擦,我相信無論同家人還是情侶,之間都一定會因為雙重標準而有一啲爭拗,呢隻歌就係想話你知,有人明你㗎,我明你!」Michael C更說,生活中很多事情都會遇上雙重標準的時候,我們未必可以瀟灑地改變一切,但〈雙重標準〉的誕生,就是希望代大家吐吐苦水,希望大家可以從中找到共鳴。 

為了呈現遇上另一半雙重標準時的感受,〈雙重標準〉MV特別將情侶之間那種磨擦放大, Michael C與女主角在MV中一時糖黐豆攬到實甜甜蜜蜜,一時水溝油黑面鬧交,畫面中更以繩索纏繞著二人,以比喻雙重標準所帶來的束縛。Michael C說:「一對情侶都好愛大家,只係觀點與角度唔同,有時就會觸發內心掙扎與矛盾:明明好愛你,會忍受你嘅缺點,但其實內心都有啲唔舒服。」 

今次Michael C在〈雙重標準〉MV中,與女主角都有較多的互動,其中一幕需要攬實對方,畫面上充滿著濃濃的愛意,但鏡頭後卻笑料百出。話說導演叫Michael C「大大力」攬落去,但向來是大隻仔的Michael C一衝前攬過去,卻沒想到撞到了對方的鼻,Michael C感到十分抱歉,更說:「我唔知個力度要幾大力,怕出嚟效果唔夠好,所以就衝咗上去,跟住發現撞親佢個鼻!我好驚佢痛,好緊張,但佢話唔痛,咁都好啲。」至於另一幕Michael C要與女主角鬧交,導演任由二人自由發揮,怎料Michael C一直只說:「好小事咋喎!」結果同事都笑問他平時鬧交是否都只懂說這句。Michael C見同事發現他的詞窮,即腼腆道:「我真係唔係好識鬧交,我鍾意講道理。如果我真係唔開心,反而會打自己心口。」想不到Michael C這兩幕的即興演出,竟讓大家見識他好好先生的一面。 

此外,Michael C被問到對另一半有雙重標準的看法,他:「如果對方擁有雙重標準,內心梗係覺得你肯去改就好,因為你希望我為你做到嘅事情,我都希望你會為我做到,但換個角度諗,兩個人接受到嘅嘢唔一樣,但背後我同佢可能一樣付出咗100%嘅愛喺入面,所以當遇到另一半擁有雙重標準嘅時候,我希望對方會體諒我或者會有唔舒服嘅感覺,與此同時,逆地而處去諗,我應該都唔會想去改變佢,令佢唔開心。」 

 

zh_HKChinese