游學修、吳祉昊到場謝票 

吳祉昊見偶像 Jason 表現緊張

完場後陳柏宇重燃學習手語興趣   最喜歡「有 Feel」

(2025年3月05日 – 香港) 上月完成《陳柏宇 LIFE IS LIVE 演唱會 2025》不久的 Jason 陳柏宇，為答謝粉絲對演唱會的支持，昨晚（4日）Jason 包場邀請一眾粉絲觀賞電影《看我今天怎麼說》，主演的游學修及吳祉昊（Marco）亦到場謝票。

Jason 日前於社交媒體上公布活動，包場邀請近百位粉絲觀看《看我今天怎麼說》。他表示：「今次搞呢個活動係想多謝返 fans 喺演唱會宣傳上面嘅大力支持，對上一次包場睇戲已經係兩年前，揀《看我今天怎麼說》係因為覺得佢個題材幾有意義，同埋想入場支持吓阿修！」

主演的游學修及吳祉昊亦有到場謝票，游學修問觀眾：「呢個包場係大家自費定點樣㗎？」粉絲即高呼：「Jason 請㗎！」游學修笑言：「咁先係包場㗎嘛！畀啲掌聲 Jason 先啦！」談到手語，Jason 稱：「曾經有段時間我好想去學手語，但一路冇時間實行，睇完呢套戯的確有令到我扚起心肝去學！」

謝票場後 Marco 向 Jason 表示自己是他的超級粉絲，每次見面都會叫他「柏宇大哥」。Marco 更直言今次是其中一次令他頗緊張的謝票場場次，完場後二人於戲院門外「雞啄唔斷」，十分投契。

被問及下次想跟粉絲舉辦什麼活動，Jason 指：「繼續睇戲囉！可以存在喺同一個空間、同一個時間做同一件事，呢種 connection 係有 feel 嘅。」他也即席示範戲中的幾個手語：「有 feel、日落、雲、游水、多謝、興趣。」最後 Jason 呼籲觀眾繼續入場支持《看我今天怎麼說》，祝票房節節上升。