Skip to content
最新資訊
《Artisans Never Stop by Sony Music》登陸K11 Art Mall
12/11/2023
《Artisans Never Stop by Sony Music》登陸K11 Art Mall

五位歌手加入全新音樂廠牌Green Music 突破廣東歌界限

CotaBoii (aka Taco) 搶閘成首位推出新歌歌手

KING 相隔四年再唱歌 明年推韓式情歌

JB作新嘗試2024加入跳唱行列

力臻盼日後獲更多資源為MV加碼

Cheeseekit即興Freestyle反應熱烈 強化做音樂信念

@artisans.never.stop @sonymusichk @k11artmall 

#SonyMusicHK #ArtisansNeverStop

#K11ARTMALL #K11OHCHRISTMAS

Sony Music 向來推崇高質素音樂娛樂,旗下歌手及創作單位,從不間斷追求音樂上的極致演繹,尋求聲音上的完美界限,專注、努力製作好音樂,在自己的音樂路上不斷尋求突破,超越過去的自己,猶如匠人一樣,每分每秒都在力求進步,期望有朝一日能獲得大眾肯定。在過去的兩星期,Sony Music將歌手們這種不斷求進的匠人精神,帶到同樣致力支持本地音樂文化的K11 Art Mall,舉辦《Artisans Never Stop by Sony Music》,為樂迷帶來全新音樂新體驗,除舉辦1 Take錄音體驗、音樂對談、超時空要唱音樂比賽及音樂派對外,在過去的周末更舉行記者會,宣布全新音樂廠牌Green Music正式成立,為樂壇注入更多音樂新力量。

Green Music 是Sony Music HK旗下的全新音樂廠牌,致力為香港本地音樂注入清新的新力量,讓香港廣東歌突破固有的想像!身為Green Music主腦人的Bert Liu,在記者會上分享道:「Green Music會搵一啲新嘅製作人,佢哋願意為Cantopop投入一啲新嘅元素,希望可以帶多啲周邊城市唔同地方嘅音樂人,為Cantopop而貢獻。」而首批加入Green Music的音樂人包括:JB、King、力臻、CotaBoii (aka Taco)及Cheeseekit,當中CotaBoii (aka Taco) 將會成為首位推出歌曲的歌手,於2024年1月1日推出新歌。

《Artisans Never Stop by Sony Music》登陸K11 Art Mall
《Artisans Never Stop by Sony Music》登陸K11 Art Mall
《Artisans Never Stop by Sony Music》登陸K11 Art Mall
《Artisans Never Stop by Sony Music》登陸K11 Art Mall
《Artisans Never Stop by Sony Music》登陸K11 Art Mall

眾人當日在記者會過後,更作現場演出,其中Cheeseekit即席Freestyle盡顯功架,力臻以招牌靚聲演繹他的Citypop作品如〈Ain’t No Party〉、〈都市爬行〉等,令人聽出耳油,CotaBoii (aka Taco) 除了與Paula合唱〈甩身〉外,他亦首度公開獻唱即將派台的單曲〈Mr. Nobody〉,讓樂迷見識他的其他音樂面向。JB亦唱出新作〈Me and my crew〉,在MV中加入跳舞元素的他,在演唱時跟隨拍子舞動,迅即炒熱現場氣氛。一直以DJ KING身分闖蕩樂壇的KING,都有在現場打碟,令K11 Art Mall的露天廣場變成大型舞池,現場樂迷齊齊跟著音樂節拍舞擺,氣氛高漲,不過久未作個人演唱的他,連續演繹〈天梯〉、〈直到你肯定〉、〈薄情歌〉外,更與陳柏宇合唱〈留下來的人〉,其超水準演出,令Jason都讚口不絕,更搞笑道:「你唔可以唔唱歌,因為你得天獨厚,你有啲成個香港樂壇嘅歌手都冇嘅聲音同音域,如果你有埋我個樣就天下無敵。」KING聽到Jason的話,也笑言:「一定係啦,所以我哋要多啲黐埋一齊。」

演出過後,KING開心表示:「一開始好緊張,但係好激動,因為重新揸返支咪去唱歌,而唔係嗌咪叫大家Put Your Hands Up,嗰個感覺係既熟悉但又有啲陌生,唱唱下就發覺,我都幾Enjoy,可能平時台下練習,都冇咁嘅感覺,但一見到有觀眾,感覺就出返嚟,希望之後愈唱愈好。」KING亦透露:「2024年會出歌,同埋應該會出一隻碟,3月會出韓國團隊做嘅歌,因為我都幾鍾意韓式慢情歌,嗰種感覺、節奏好Touching,都想試下韓式歌風配上廣東歌詞會係乜嘢感覺。」至於成為Green Music首位推出單曲的歌手的CotaBoii (aka Taco) 則坦言:「有少少受寵若驚,新歌〈Mr. Nobody〉嘗試咗新曲風去面對主流觀眾,反應會係點,我都好期待。」

至於跟CotaBoii (aka Taco) 同樣來自Rap Crew「Special Plan」、現就讀中六的應屆DSE考生Cheeseekit,在商場Freestyle一番,他開心道:「今日俾我感覺係,音樂喺香港真係仲可以Do Something,唔係話啲歌寫得幾好都唔可以感染到人,其實今次表演一開始都有失誤,但後面唱好返反應都好好,令我嘅信念又揸實返少少。」而一直以獨立歌手作發展的力臻,對於加入Green Music,他表示:「我覺得唔係太大轉變,都係繼續可以做自己想做嘅音樂,但可能多啲Support,多啲資源可以更加放。」JB亦認同道力臻的講法,覺得日後創作的想像可以更加廣闊,他說:「〈Me and my crew〉個MV已經加咗跳舞元素落去,2024年我可能會向呢個方向再做多啲。」

《Artisans Never Stop by Sony Music》登陸K11 Art Mall

而昨日來到最後一天的音樂派對,多位歌手以不同方式作音樂交流,驚喜不斷!例如:力臻 x Michael C.一同自彈自唱〈漂流教室〉,然後再孖黃妍Cath演繹〈天光前〉,前者感覺柔情,後者能量滿載,樂迷都一樣聽得入神。然後葉巧琳Mischa遇上KING與CotaBoii (aka Taco),三人將宇多田光為動畫《新世紀福音戰士》獻唱的〈One Last Kiss〉重新編曲,加入KING的EDM和CotaBoii (aka Taco) 的Rap,再由Mischa主唱,頃刻為歌曲注入了截然不同的力量,而KING與力臻唱出充滿冬日感覺的〈留下來的人〉,跳脫的編曲與演繹,就像與現場樂迷預祝聖誕。壓軸登場的陳柏宇,除了演繹即將推出的大碟《in Rhythm》中的作品包括:〈一人傍晚藝術館〉、〈懷舊是一種品味〉等歌曲外,他亦與Cath、Mischa及Michael C.合唱〈有我〉,以最溫馨的方式,為整個《Artisans Never Stop by Sony Music》活動,畫下完美句號。

有份參與最後一場音樂派對的Mischa能夠跟KING合作,她興奮道:「我自己好喜歡同King嘅Crossover,尤其是將〈One Last Kiss〉再Remix做咗一個Live Version,仲加埋CotaBoii (aka Taco) 嘅Rap入去,係好正!希望將來真係可以同King合作,出啲EDM音樂。」至於同樣有份與KING合作的Jason,則道:「King係超勁,好高音,但最犀利係佢有埋低音,可以同佢一齊唱下歌,真係覺得榮幸!」

《Artisans Never Stop by Sony Music》登陸K11 Art Mall

(左起)力臻、Taco、KING、Michael C、陳柏宇、黃妍、葉巧琳

《Artisans Never Stop by Sony Music》登陸K11 Art Mall

(左起)KING、葉巧琳、黃妍、陳柏宇、Michael C、力臻、Taco

zh_HKChinese